Lehmuz
Lehmuz | ||||||||||||
---|---|---|---|---|---|---|---|---|---|---|---|---|
Tedoklassifikacii | ||||||||||||
|
||||||||||||
Latinankel'ne nimi | ||||||||||||
Tília L., 1753 | ||||||||||||
|
Lehmuz, mugažo nin'pu paginoidme (latin.: Tilia), om Mal'vižed-sugukundan lehtezpuiden heim. Mülütab läz 30 erikod i enamba sadad niiden gibridoid.
Leviganduz[vajehta | vajehtada tekst]
Kazvab Pohjoižen mapoliškon venos i subtropižes vöiš. Erikoiden erazvuiččend om olmas Kitaiš (15 erikod-endemikad) i Suvipäivlaskmaižes Azijas.
Ümbrikirjutand[vajehta | vajehtada tekst]
Lehmusen tüvi oleskeleb kaks' metrad diametral. Eläb 500 vodhesai. Navedib kazvatelišt mad, no voib kazda toižil-ki mahusil.
Änikoičeb kezakus-heinkus. Äikerdoičese semnil i vegetativižikš kebnas.
Kävutand[vajehta | vajehtada tekst]
Kazvatadas dekorativižeks kazmuseks. Kävutadas pehmdaks pumaterialaks. Venäman äjad lehmuzsared kadoihe ninen avaron otandan tagut tehmaha virzuid, levitesid da havadoid.
Znamasine medenkandai kazmuz, lehmusen gektar voib antta üht tonnad spravitajad met.
Valitud erikod[vajehta | vajehtada tekst]
Heimon tipine erik om Tilia × europaea-gibrid L. — Evropalaine (järgeline) lehmuz
- Tilia americana — Amerikalaine lehmuz
- Tilia amurensis — Amuran lehmuz
- Tilia mandshurica — Mančžurine lehmuz
- Tilia nobilis — Hüväsuguine lehmuz
- Tilia sibirica — Sibirine lehmuz
Homaičendad[vajehta | vajehtada tekst]
Lehmuz Vikiaitas |