Osijek

**Osijek**
Lidnanznam;	Flag;
Valdkund	Horvatii
Eläjiden lugu (2021)	96,848 ristitud
Pind	174,85 km²
Telefonkod	+385−31
Aigvö	tal'vel UTC+1,; kezal UTC+2

Osijek (mugažo horvatan kelel, virktas [ôsijeːk]) om lidn Horvatijan päivnouzmas. Se om nellänz' surtte lidn valdkundas, Osijek-Baranjan ümbrikon (županijan) administrativine keskuz.

Istorii[vajehta | vajehtada tekst]

Eländpunkt mainitase ezmäižen kerdan vl 131 kuti Murs (horv.: Mursa) — Rimalaižen imperijan kolonijaks. Vspäi 1196 mainitase nügüdläiženke nimenke. Lidnan kaikiš amuižemb pala nimitase Tvrda:ks, se om saudud Mursan lidnusen jändusiden sijas. Osijekan lidnuz om saudud vl 1721.

Osijek šingotase neniden sarakoiden edheotandoil: mašinansauvomine, kebn tegimišt, sömtegimišt («Osječko»-olud), punümbriradmine («Drava»-virifabrik), himine «Saponia»-tegim.

Geografijan andmused[vajehta | vajehtada tekst]

Lidn sijadase ümbrikon päivnouzmas, 90 m ü.m.t. keskmäižel korktusel, Dravanjogen oiktal randal bradindsijanno siš päliči, 25 kilometras ülezjogen Dunaišpäi. Serbii om Dunain taga päivnouzmas.

Klimat om ven valdmeren valatoitusenke. Keza om päivoikaz, tal'vaig om pil'vekaz lujas. Voden keskmäine lämuz om +11,0 C°, kezakun-elokun +19,7..+21,3 C°, tal'vkun-uhokun −0,2..+1,8 C°. Ekstremumad oma −27,1 C° (viluku) i +40,3 C° (heinku, eloku). Kezaaigan minimum om +1,0 C° (kezaku), tal'vaigan maksimum om +23,0 C° (uhoku). Ei voi panda halad kezakus-elokus. Paneb sadegid 655 mm vodes, enamba kezakus (82 mm), vähemba vilukus-keväz'kus (35..41 mm kus). Paneb lunt 29 päiväd tal'ves keskmäras. Kun keskmäine relätivine nepsuz vajehtase 70..74 % röunoiš keväz'kus-elokus, 86..88 % kül'mkus-vilukus.

Eläjad[vajehta | vajehtada tekst]

Vn 2011 Horvatijan rahvahanlugemižen mödhe lidnan eläjiden lugu oli 108 048 ristitud. Kaikiš suremb lidnan ristitišt oli 129 792 eläjad vl 1991.

Religijan mödhe (2001): riman katolikad — 84,3 %, ortodoksižed hristanuskojad — 7,5 %, islamanuskojad — 0,8 %, toižed uskojad i religijatomad — 7,4 %.

Osijekan universitet^[1] Josip Jurai Štrosmaijeran nimed (15 tuhad üläopenikoid vl 2018) om sätud vl 1975 erigoičendal Zagreban universitetaspäi.